親愛的牧師、長執序大兄姐：
大家平安！
我是兒童主日學六年級的胡南圳。真歡喜代表所有畢業的同學講幾句感謝的話。代先愛感謝上帝真疼我，予我細漢就認捌耶穌，因為爸爸媽媽的支持，我有參加樂團的服事；雖然訓練真辛苦，毋過我感覺每一遍的服事攏真寶貴。更加感謝教會的主日學成做阮信仰造就的好所在，唱詩歌敬拜謳咾主，通過聖經的故事，提醒阮行著的路。雖然上課有時會分心tshih-tshih-tshuh-tshuh愛講話，老師嘛會一遍閣一遍苦勸阮，一點仔攏無放棄，阮非常感謝校長佮所有老師的辛苦。
無偌久阮攏愛升級，面對新的學習請大家繼續為阮祈禱，將來無論信仰佮學業攏會當榮光上帝的名，予爸母序大歡喜快樂。
最後祝大家 身體健康、喜樂、平安！